Աղբիւր՝ www.asbarez.com

Հայաստանի նախագահ Սերժ Սարգսեան 26 Յունուարին հանդիպում ունեցած է Ամենայն Հայոց Գարեգին Բ. կաթողիկոսին եւ Մեծի Տանն Կիլիկիոյ Արամ Ա. կաթողիկոսին հետ։

Հանրապետութեան նախագահն ու կաթողիկոսները այս օրերուն Երեւանի մէջ կայանալիք Հայոց Ցեղասպանութեան 100-ամեակին նուիրուած նախաձեռնութիւններու համակարգող պետական յանձնաժողովի անդրանիկ նիստէն առաջ քննարկած են պետական յանձնաժողովի աշխատանքները եւ միջազգային ու միջեկեղեցական հարթակներու վրայ, Սփիւռքի մէջ Հայ առաքելական եկեղեցւոյ մասնակցութիւնը այդ աշխատանքներուն։