Աղբիւր՝ www.armenian.irib.ir
Հ.Հ.-ում Ի.Ի.Հ.-ի դեսպանն ընդգծեց երկու երկրի միջեւ տնտեսական ու առեւտրական համագործակցութիւնների ընդլայնման անհրաժեշտութիւնը:
Հ.Հ.-ում Ի.Ի.Հ.-ի լիազօր եւ արտակարգ դեսպան Մոհամմեդ Ռէյիսին շաբաթ օրը Իրանի հիւսիս-արեւմուտքում Արեւելեան Ատրպատականի նահանգապետի հետ հանդիպման ժամանակ ասաց. «Հայաստանի շուկաներ մուտք գործելու համար անհրաժեշտ են բարձորակ արտադրանքներ, ինչպէս նաեւ առեւտրի ու արտահանման բնագաւառներում մասնագէտ անձանց ներգրաււածութիւն, քանզի այդ երկրի շուկայում ներկայացւում են աշխարհի լաւագոյն արտադրանքները»:
Իրանի դեսպանը լաւ բնութագրելով երկու երկրի քաղաքական յարաբերութիւններն, աւելացրեց. «Հայաստանի հետ համագործակցութեան լայն հնարաւորութիւններ գոյութիւն ունեն եւ դրանք պիտի լաւագոյնս օգտագործւեն»:
Արեւելեան Ատրպատականի նահանգապետ Էսմայիլ Ջաբբարզադէն նոյնպէս այս հանդիպման ժամանակ հարեւան երկրների հետ Իրանի քաղաքական, տնտեսական եւ մշակութային յարաբերութիւնների ընդլայնման ուղղութեամբ առանցքային դերակատարութիւն ստանձնելու այդ նահանգի պատրաստակամութիւնն ընդգծելով, ասաց. «Արեւելեան Ատրպատականի առեւտրականներն ու արտադրողները պատրաստ են Հայաստանի շուկայ մուտք գործելու համար եւ նկատի առնելով Ռուսաստանի հետ արեւմուտքի յարաբերութիւններում վերջին զարգացումները պատրաստ են այդ երկրի շուկաներում ներկայութեան համար»: