Աղբիւր՝ www.armenian.irib.ir
Հայաստանը աշխարհի մրցունակ տնտեսութիւնների ցուցակում 85-րդ տեղն է զբաղեցրել, նշւել է Համաշխարհային տնտեսական ֆորումի «Գլոբալ մրցունակութիւն 2014-2015» զեկոյցում:
Նախորդ անգամւայ ցուցանիշի համեմատ Հայաստանը դիրքերը զիջել է 6 հորիզոնականով:
Առաջին եւ երկրորդ տեղերը պահպանել են Շւէյցարիան ու Սինգապուրը: Եռեակն եզրափակել է Ա.Մ.Ն.-ն, որին յաջորդում են Ֆինլանդիան, Գերմանիան, Ճապոնիան, Հոնկոնգը, Նիդեռլանդները, Մեծ Բրիտանիան եւ Շւեդիան:
Ռուսաստանը 53-րդն է, Վրաստանը՝ 69-րդը, Ադրբեջանը՝ 38-րդը, Թուրքիան՝ 45-րդը, Իրանը՝ 83-րդը:
Ցուցակի վերջում Եմենն է, Չադը եւ Գւինեան:
Մրցունակութեան ինդեքսը գնահատում է քաղաքացիների բարեկեցութիւնն ապահովելու երկրների կարողութիւնը: Դա առաջին հերթին կախւած է նրանից, թէ երկիրն ինչպէս է օգտագործում ունեցած գոյապաշարները: Ընդ որում՝ ազատ շուկայի պայմաններում կենսապայմաններին օժանդակելու համար որպէս կանոն անհրաժեշտ է աշխատանքի արդիւնաւէտութեան եւ ապրանքների/ծառայութիւնների որակի մշտական բարձրացում: