Կազմակերպութեամբ Ն. Ջ. Հայ Մ. Մ. «Արարատ» միութեան Ուսանողական միաւորի վարչութեան, ուրբաթ՝ մայիսի 20-ի առաւօտեան ժամը 11:00-ին, միութեան յարկի ներքոյ, երիտասարդ ատամնաբոյժ՝ Արմէն Ալեքսանդրեանը հանդէս եկաւ «Ատամների եւ բերանի խոռոչի առողջապահութիւն» թեմայով դասախօսութեամբ: Բժիշկ Ալեքսանդրեանը պատրաստւած պատկերների ու իրական եւ ուսուցողական տեսանիւթների միջոցով ներկայացրեց բերանի խոռոչի հիւանդութիւններն ու բուժման եղանակները, ինչպէս նաեւ ատամների առողջութիւնը պահպանելու առումով կիրառւող ճիշտ միջոցները: Նա անդրադարձաւ նաեւ երեխաների ատամները պահպանելու ձեւերին եւ պատասխանեց ներկաների յուզող հարցերին:

Դասախօսական ձեռնարկին ներկայ էին Միութեան Կենտրոնական վարչութեան ներկայացուցիչ եւ միաւորի կցորդ Ժորժ Ղազարեանը, միաւորի վարչութեան կազմը, ուսանողներ, երիտասարդներ եւ մեծահասակներ:

Ն.Ջ. Հայ Մ.Մ. «Արարատ» միութեան թղթակից

Երանուշ Թահմազեան

Լուսանկարները՝ հեղինակի