Աղբիւր՝ www.yerkir.am
Հալեպի Սուլեյմանիե թաղամասի ուղղությամբ զինյալ ահաբեկիչների արձակած ինքնաշեն հրթիռի պայթյունից հայուհի է զոհվել:
Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, զոհված հայուհին 1980 թվականին ծնված Բեթի Ներսեսյանն է:
«Արևելք» -ի տվյալներով, շարունակվել է նաև Նոր գյուղ հայաշատ թաղամասի հրթիռակոծությունը:
Այստեղ հրթիռի պայթյունից վիրավորվել են 34-ամյա Քաթրին Խաչոյանը, 62-ամյա Կարապետ Խաչոյանը և 33-ամյա Նորա Սարգիսը:
Աղբիւր՝ www.yerkir.am
ՀՀ ԱԳՆ մամլո խոսնակ Տիգրան Բալայանը մեկնաբանել է Հալեպի հայաբնակ թաղամասերի շարունակական ռմբակոծությունները։
«Խստորեն դատապարտում ենք զինված խմբավորումների կողմից Հալեպի հայաբնակ թաղամասերի շարունակական ռմբակոծությունները, որոնք մարդկային զոհերի եւ ավերածությունների պատճառ են դառնում:
Վերջին օրերին գրանցված հարձակումների հետեւանքով զոհվել են չորս հայեր, լրջորեն վնասվել են հայկական ծերանոցը, հայ կաթողիկե համայնքի Սբ. Երրորդություն` «Զվարթնոց» եկեղեցին, գիտակրթական, պատմամշակութային եւ քաղաքացիական նշանակության մի շարք այլ շինություններ:
Սիրիական ճգնաժամի կարգավորման գործընթացում առաջընթաց գրանցելու հիմնական նախապայմանը ռազմական գործողությունների եւ բռնության անհապաղ դադարեցումն է»,- նշել է նա: