Աղբիւր՝ www.armenianradio.am
Թուրքիայի նախագահական ընտրութիւններում ընդդիմադիր կուսակցութիւնների ընդհանուր թեկնածու՝ Աքմալեդդին Էհսանօղլուն ընդգծել է, որ Թուրքիայում Քրդերի հարցը պէտք է կարգաւորւի խաղաղ ճանապարհով։
Սաբահ թերթի հաղորդմամբ՝ Աքմալեդդին Էհասանօղուն ասել է, որ խորհրդարանը պէտք է հետեւի 2013ից սկսւած քրդերի եւ Անկարայի միջեւ խաղաղութեան գործընթացը։
Էհսանօղլուն, ասել է. «Թուրքիան տարիներ փորձել է զոռբայութեամբ լռեցնել քրդերի պահանջը, սակայն այդ գործընթացը բարեփոխւել է եւ քրդերի հարցին պէտք է մօտենալ հաշտութեան, ժողովրդավարութեան եւ մարդու իրաւունքների յարգման սկզբունքներով»։
Նա ընդգծել է. «Անատոլիայի տարբեր ազգութիւնները խաղաղութեամբ ապրում էին միմեանց կողքին, բայց երբ հիմնւեց Թուրքիայի հանրապետութիւնը, սկսեցին խռովութիւններ տարածւել այդ շրջաններում»։
Թուրքիայի որոշ ընդդիմադիր կուսակցութիւններ, Իսլամական համագործակցութեան կազմակերպութեան նախկին գլխաւոր քարտուղար՝ Աքմալեդդին Էհսանօղլուին ընտրել են որպէս ընդհանուր թեկնածու գալիք նախագահական ընտրութիւններում։