Կազմակերպութեամբ Նոր Ջուղայի Հայ Մարզա-մշակութային «Արարատ» միութեան Կենտ. վարչութեան, ուրբաթ՝ դեկտեմբերի 17-ին, ժամը 10:00-ից 22:00-ը, միութեան  հանդիսութիւնների դահլիճում տեղի ունեցաւ Ամանորեայ տօնավաճառ, որտեղ վաճառքի էին հանւել Նոր տարւայ թեմայով ձեռարւեստ եւ զարդեղէն, տնական ուտելիքներ ու թխւածքներ եւ մի շարք այլ իրեր՝ կազմակերպիչ միութեան  եւ նոյն միութեան Շահինշահրի մասնաճիւղի Երէցների միաւորների, Նոր Ջուղայի «Փերիոյ» կրթ. միութեան, ինչպէս նաեւ անհատ ձեռներեցների մասնակցութեամբ:

Բեմի յարդրանաքը նոյնպէս տօնական էր, որով առիթ էր ընձեռւում ցանկացողներին՝ իրենց ունեցած գեղեցիկ պահերը լուսանկարներով յաւերժացնելու:

Դահլիճի յարդարանքը կատարել էր «Արարատ» միութեան Մշակութային միաւորի վարչութիւնը, համագործակցութեամբ՝ Էլենա Փուլադեանի, Սիւնէ  Շահիջանեանի եւ Վանէ Իսաղուլեանի, Մշակութային եւ Ուսանողական միաւորների կազմակերպութեամբ բեմի վրայ իրականացւեց անհատական նկարահանում, իսկ առանձին բաժնում՝ սլաքախաղ: Երէցների միաւորն ստանձնել էր սրճարանի պատասխանատւութիւնը:

Թղթակից (Նոր Ջուղա)