Աղբիւր՝ www.yerakouyn.com

Սթամպուլի Քուրուչեշմէյի Երեւման Սուրբ Խաչ եկեղեցին իր դռները բացած է հաւատացեալներուն առջեւ:

Ըստ պոլսահայ «Ակօս» թերթին՝ Երեւման Սուրբ Խաչ եկեղեցին օծած է Պոլսոյ հայոց պատրիարքարանի կրօնական խորհուրդի առաջնորդ, եպիսկոպոս Սահակ Մաշալեան:

Իր խօսքին մէջ, Սահակ Մաշալեան նշած է, որ անհրաժեշտ է տէր կանգնիլ հայ համայնքի համար մեծ կարեւորութիւն ներկայացնող եկեղեցիներուն:

«Պէտք է մեր եկեղեցիները բաց պահենք ու աղօթենք: Եկեղեցիները հասարակութեան սիրտն են: Ես այսօր այստեղ կը տեսնեմ նաեւ Սուրբ Խաչ դպրեվանքի սաները: Կ՝ուզեմ զանոնտ տեսնել նաեւ ամէն Կիրակի պատարագներու ժամանակ»,- ըսած է եպիսկոպոս Մաշալեան:

Այնուհետեւ խօսքով հանդէս եկած է եկեղեցւոյ հիմնադրամի անդամ Սարօ Պենքլիյեան, ու իր խօսքին մէջ շնորհակալութիւն յայտնած է եկեղեցւոյ վերանորոգման նիւթական աջակցութիւն ցոյց տուողներուն։