«ԱԼԻՔ» – Ռազմավարական հետազօտութիւնների հայկական կենտրոնի ղեկավար Ալւինա Աղաբաբեանը ֆէյսբուքեան իր էջում տեղեկացրել է, որ Բերձորի Սուրբ Համբարձման եկեղեցին ամբողջովին ոչնչացւել է ադրբեջանցիների կողմից:
«Այսօր (մայիսի 18-ԽՄԲ.) Բերձորի ազատագրման 33-ամեակն է։
Էն Բերձորի, որ դեռ օկուպացւած է թշնամու կողմից։
Մեծ հաշւով ինչո՞ւ եղաւ էն ամէնը, ինչ եղաւ։
Որովհետեւ 1992-1994 թթ. Արցախի ազատագրմամբ փաստացի սկսւած հայոց հողահաւաքը ազգային գաղափար-նպատակի չվերածեցինք․․․
Նոր «մայիսի 18» մենք իհարկէ կարող ենք ունենալ, միայն թէ դրա ազգային գաղափարն է պէտք, ազգային նպատակադրումը` այն Բ կէտը, որը սահմանելուց յետոյ մեր ներկայիս Ա կէտից դէպի Բ կէտը տանող ճանապարհը վստահաբար գտնւելու է։
Բերձորի Սուրբ Համբարձման եկեղեցին է, որն ադրբեջանցիք հիմնայատակ ոչնչացրել են»,- գրել է նա: