Ուրբաթ՝ յունւարի 21-ի առաւօտեան, Փերիոյ շրջանի Բոլորան գիւղի «Ս. Ղուկաս» եկեղեցում, Սուրբ եւ Անմահ Պատարագ մատուցւեց Քրիստոսի Ս. Ծննդեան եւ Աստւածայայտնութեան տօների առթիւ:
Պատարագին նախագահեց Սպահանի հայոց թեմի առաջնորդական տեղապահ Տ. Արտաւազդ վրդ. Շարոյեանը: Օրւայ պատարագիչն էր Տ. Խաչատուր քհնյ. Զարգարեանը, արարողութեանը մասնակցում էին քահանայից եւ դպրաց դասերի ներկայացուցիչները:
Առաջնորդական տեղապահն իր ուրախութիւնն յայտնելով առաջին անգամ Բոլորան գիւղում ներկայ լինելու համար, անցաւ իր քարոզին: Նա անդրադարձ ունենալով Յիսուս Քրիստոսի առաջին հրաշքին, ասաց. «Մեր կեանքում պատահող դժւարութիւններից չպէտք է յուսահատւել, այլ պէտք է խնդրել Յիսուս Քրիստոսին զօրութիւն տայ մեզ դիմագրաւելու դրանք: Պէտք է յիշենք որ մեզ համար միշտ աղօթողներ կան, միշտ արցունք թափողներ կան, որոնք փրկում են մեզ սպասող փորձութիւններից»:
Նա իր քարոզի մէկ այլ բաժնում նշեց. «Ամէն բան իր ժամանակն ունի, չպէտք է աճապարել աղօթքն արագ իրականութիւն դառնալու համար եւ յուսահատւել, այլ պէտք է համբերատար լինել եւ միշտ աղօթել Աստծուն»: Հայր Սուրբն խնդրեց առ բարձրեալն Աստծուց հաւատքը կանգուն պահի ժողովրդի մէջ եւ աղօթեց որ առկայ ոչ կայուն վիճակը հանդարտւի եւ կեանքն ընթանայ խաղաղ եւ հեզասահ:
Պատարագին ներկայ էին գիւղի հայ բնակչութիւնը եւ ուխտաւորներ:
Պատարագի աւարտին տեղի ունեցաւ մտերմիկ հաւաք տեղի բնակիչների հետ:
Թղթակից (Նոր Ջուղա)
.JPG "Click to enlarge image 0 (1).JPG")
.JPG "Click to enlarge image 0 (10).JPG")
.JPG "Click to enlarge image 0 (11).JPG")
.JPG "Click to enlarge image 0 (12).JPG")
.JPG "Click to enlarge image 0 (13).JPG")
.JPG "Click to enlarge image 0 (14).JPG")
.JPG "Click to enlarge image 0 (15).JPG")
.JPG "Click to enlarge image 0 (16).JPG")
.JPG "Click to enlarge image 0 (17).JPG")
.JPG "Click to enlarge image 0 (2).JPG")
.JPG "Click to enlarge image 0 (3).JPG")
.JPG "Click to enlarge image 0 (4).JPG")
.JPG "Click to enlarge image 0 (5).JPG")
.JPG "Click to enlarge image 0 (6).JPG")
.JPG "Click to enlarge image 0 (7).JPG")
.JPG "Click to enlarge image 0 (8).JPG")
.JPG "Click to enlarge image 0 (9).JPG")