Աղբիւր՝ www.armenian.irib.ir

Օգոստոսի 29-ին  Երեւանում Հ.Հ.-ի Պ.Ն.-ը՝ Սէյրան Օհանեանն արարողակարգային հանդիպում ունեցաւ Հայաստանում Ի.Ի.Հ.-ի  արտակարգ և լիազօր դեսպան Մոհամմադ Ռէյիսի, Հ.Հ.-ում ռազմական կցորդի դիւանագիտական առաքելութիւնն աւարտած գնդապետ Համիդ Ռեզա Միրզայի հետ: Հանդիպմանը  դեսպան Ռէյիսին Հ.Հ.-ի  Պ.Ն.-ը  ներկայացրեց նորանշանակ ռազմական կցորդ, գնդապետ Սեյէդ Հոսէյն Վահիդի Շէյխին:

Քննարկւեցին հայ-իրանական բազմակողմ համագործակցութեանը վերաբերող, տարածաշրջանային խնդիրներին ու հակամարտութիւնների կարգաւորմանն առնչւող հարցեր:

Հանդիպման աւարտին Հ.Հ.-ի Պ.Ն.-ը  գնդապետ Համիդ Ռեզա Միրզայիին շնորհակալութիւն յայտնեց պաշտպանական գերատեսչութիւնների համագործակցութեան զարգացմանը նպաստելու համար, իսկ նորանշանակ ռազմական կցորդին հաջողութիւն մաղթեց  Հայաստանում յետագայ ծառայութիւնն իրականացնելու ընթացքում: