Աղբիւր՝ http://www.yerakouyn.com

Աշխարհի ամենայայտնի ճանապարհորդներէն մէկը` բրիտանացի Լեվիսըն Ոուտ (Levison Wood), եղած է Հայաստանի գեղատեսիլ լեռներուն մէջ: «Հայաստանի լեռներուն մէջ կեանքի մասին ճանապարհորդին պատմած են տեղաբնակները»,- կը գրէ «Փանարմինիըն» Rusarminfo-ի վրայ յղումով:

     Ճանապարհորդը Հայաստան եկած էր Ռուսիայէն, իսկ այստեղէն մեկնած է Իրան:
Հայաստանի, Ռուսիոյ եւ Իրանի մէջ իր ճանապարհորդութեան մասին Ոուտ պիտի պատմէ իր նոր փաստագրական ֆիլմին մէջ, որ եթեր պիտի հեռարձակուի մինչեւ տարեվերջ բրիտանական Channel 4 հանրային հէուստաալիքով:
 
      Լեւիսըն Ոուտ աշխարհի ամենահայատնի ճանապարհորդներէն է, նախապէս` բրիտանական բանակի ցամաքահան: Ան իր ճանապարհորդութիւններուն եւ արկածներուն մասին բազմաթիւ գիրքերու եւ փաստագրական ֆիլմերու հեղինակ է: Անոր ֆիլմերը ցուցադրուած են BBC-ի, Discovery-ի, National Geographic-ի եթերով: Ոուտ աշխարհի մէջ առաջին մարդն էր, որ յաջողեցաւ Նեղոսը երկայնքով անցնիլ: