Աղբիւր՝ www.yerkir.am
Մուշի Քալէ թաղամասի հայկական հին եկեղեցիներից մէկը քանդւելու վտանգի առջեւ է:
Ըստ «Ակօս»-ի՝ եկեղեցին քանդելու մասին որոշումը կայացրել է Մուշի մարզպետարանը, սակայն եկեղեցու հողատէրերն այդ որոշման դէմ բողոքել են՝ դիմելով դատարան:
Մինչեւ 1958 թւականը եկեղեցին հանրային սեփականութիւն է եղել, սակայն, հանւելով աճուրդի, վաճառւել է Սոյլեմեզ ընտանիքին: Տարիների ընթացքում անխնամ մնացած եկեղեցին սկսել է փլուզւել:
2012 թւականի սեպտեմբերի 21-ին, Թուրքիայի կառավարութեան որոշմամբ, եկեղեցու տարածքը յայտարարւել է քաղաքային վերակառուցման գօտի, որտեղ նախատեսել են նոր շէնքեր կառուցել: