ՀԱՅԱՍՏԱՆԵԱՆ ԱՆՑ ՈՒ ԴԱՐՁ

Աղբիւր՝ www.alikonline.ir

Թէ Հայաստանում ժողովրդի եւ թէ միջազգային հանրութեան կողմից, Հայաստանի մայիսմէկեան իշխանափոխութեանը տւել են զանազան իմաստալից եւ անիմաստ որակումներ ու գնահատականներ, ինչպէս օրինակ՝ «սիրոյ եւ հանդուրժողականութեան» կամ «թաւշեայ յեղափոխութիւն», «Նոր Հայաստան» եւ «Նոր Հայաստան եւ նոր Հայրապետ», նոյնիսկ որոշ համացանցերում, Նիկոլ Փաշինեանին անւանել են «ազգային առաջնորդ»։

Վազ անցնելով մի շարք անպատասխանատու եւ քինախնդիր անձանց կողմից յօրինւած «Նոր Հայաստան եւ նոր Հայրապետ» անհեթեթ կարգախօսից, պիտի անդրադառանամ «նոր Հայաստան» եւ «ազգային առաջնորդ» որակումներին։

Երկրների քաղաքական-տնտեսական կացութիւնները չեն նորանում կամ բարելաււում ղեկավար անձերի փոփոխութեամբ, այլ փոխւած ղեկավարների կողմից ներկայացւած եւ գործադրւած, երկրի ու ժողովրդի համար բարենպաստ ու շահաւէտ ծրագրերով միայն: Երկրները հիմնովին չեն նորանում, լոկ կոռուպցիայի, չարաշահումների, կեղեքումների եւ անօրինականութիւնների բացայայտումներով, (թէեւ այդ բացայայտումներն էլ խիստ կարեւոր են), եւ տեղի ու անտեղի ձերբակալութիւններով, այլ նպատակասլաց, բազմաբնոյթ եւ ժամանակի հետ համահունչ քաղաքական ու տնտեսական ծրագրերով։ Դժբախտաբար դեռ յայտնի չէ թէ կառավառութիւնը ինչ ուղիով ու ռազմավարութեամբ է ցանկանում իրականացնել երկրի տնտեսութեանը, քաղաքական համակարգի, արտաքին յարաբերութիւնների եւ միւս բոլոր ոլորտների զարգացումը։

Աշխարհի պատմութեան մէջ չկայ նման մի դրւագ, երբ մի ղեկավար դեռ իր ղեկավարութեան հարիւր օրը չլրացրած այն էլ իր կենդանութեան օրօք, նոյնիսկ անպաշտօն եղանակով եւ մի քանի պնակալեզների կողմից, «ազգային առաջնորդ»ի պատւին արժանանայ,(կարծում եմ ինք Վարչապետ Փաշինեանը եւս պիտի նեղանայ նման մի անւանումից): Առհասարակ զանազան երկրների արժանաւոր ղեկավարները, բացառութեամբ մի քանի բռնակալների, յետմահու են «ազգային առաջնորդ»-ի կոչման արժանանում, արդ չգիտես ինչ ասես այդ պնակալեզներին որոնք իրենց ստորաքարշ շողոքորթութեամբ, մեծամտութիւն եւ անբարտաւութիւն են սերմանում նոր իշխանութեան հասած ղեկավարների մտքի մէջ, որը ի վերջոյ հանգելու է բռնապետութեան։

Արդէն Վարչապետ Նիկոլ Փաշինեանը, ըստ միջազգային աւանդոյթի, պատրաստւում է իր կառավարման 100 օրեայ արդիւնքները ներկայացնի, 17 օգոստոսին գումարւելիք հանրահաւաքին։ Ընդհանրապէս 100 օրեայ կառավարման հաշւետւութիւնը կատարւում է սեղմ շրջանակներում որին հրաւիրւում են մասնակցելու կուսակցութիւնների, ԶԼՄ-ի, զանազան հաստատութիւնների ներկայացուցիչները, օտար յայտնի լրատւամիջոցների թղթակիցները եւ պետական ու դիւանագիտական դէմքեր որտեղ հաշւետւութիւնը վերջանալուց յետոյ, ներկայացրած գործունէութեան շուրջ, տեղի է ունենում հարցումների, պատասխանների եւ քննադատութիւնների մի երկար շարան։

Արդեօք բազմամարդ հանրահաւաքներում հնարւոր է հարցեր ու քննադատութիւներ ուղղել իշխանաւորներին եւ պատասխան ստանալ, բնականաբար պատասխանը ոչ է։ Դէ ուրեմն կազմակերպւելիք հանրահաւաքը, աւելի շատ ցոյց է լինելու եւ ոչ թէ 100 օրեայ կառավարման հաշւետւութիւն։

ԹԱԹՈՒԼ ՕՀԱՆԵԱՆ

Երեւան

04.08.2018 թ․


Մեկնաբանութիւն գրել


Security code
Թարմացնել

Վերջին Լուրեր

ՏԻԳՐԱՆԱԿԵՐՏԻ ՀԱՅԿԱԿԱՆ ԿԱԹՈՂԻԿԷ Ս. ՍԱՐԳԻՍ ԵԿԵՂԵՑԻՆ ԱՒԵՐԱԿ ԴԱՐՁԱԾ Է

on 18 Նոյեմբեր 2018
ՏԻԳՐԱՆԱԿԵՐՏԻ ՀԱՅԿԱԿԱՆ ԿԱԹՈՂԻԿԷ Ս. ՍԱՐԳԻՍ ԵԿԵՂԵՑԻՆ ԱՒԵՐԱԿ ԴԱՐՁԱԾ Է

Տիգրանակերտի հայկական կաթողիկէ Ս. Սարգիս եկեղեցին աւերակի վերածուած է

ԵՒՐՈՊԱԿԱՆ ԽՈՐՀՐԴԱՐԱՆԸ ԿՈՂՄ Է ԹՈՒՐՔԻԱ-ԵՄ ԲԱՆԱԿՑՈՒԹԻՒՆՆԵՐՈՒ ՊԱՇՏՕՆԱՊԷՍ ԱՌԿԱԽՄԱՆ

on 18 Նոյեմբեր 2018
ԵՒՐՈՊԱԿԱՆ ԽՈՐՀՐԴԱՐԱՆԸ ԿՈՂՄ Է ԹՈՒՐՔԻԱ-ԵՄ ԲԱՆԱԿՑՈՒԹԻՒՆՆԵՐՈՒ ՊԱՇՏՕՆԱՊԷՍ ԱՌԿԱԽՄԱՆ

Եւրոպական խորհրդարանի Թուրքիոյ հարցերով զեկուցող Քեթի Փիրի ներկայացուց Թուրքիոյ վերաբերեալ իր

ԱԴՐԲԵՋԱՆԸ ՎՃՌԱԿԱՆ ԲՈՂՈՔ ԿԸ ՅԱՅՏՆԻ ՓԱՐԻԶԻՆ. ՊԱՏՃԱՌԸ ԲԱԿՕ ՍԱՀԱԿԵԱՆԻ ԱՅՑՆ Է

ԱԴՐԲԵՋԱՆԸ ՎՃՌԱԿԱՆ ԲՈՂՈՔ ԿԸ ՅԱՅՏՆԻ ՓԱՐԻԶԻՆ. ՊԱՏՃԱՌԸ ԲԱԿՕ ՍԱՀԱԿԵԱՆԻ ԱՅՑՆ Է

Արցախի նախագահ Բակօ Սահակեանի այցը Փարիզ հերթական անգամ նեարդայնացրել է

ԱՐՑԱԽԻՆ ԱՋԱԿՑԵԼՈՒ ԿՈՉ` ԱՒՍՏՐԱԼԻԱՅԻ ԿԱՌԱՎԱՐՈՒԹԵԱՆԸ

ԱՐՑԱԽԻՆ ԱՋԱԿՑԵԼՈՒ ԿՈՉ` ԱՒՍՏՐԱԼԻԱՅԻ ԿԱՌԱՎԱՐՈՒԹԵԱՆԸ

Աւստրալիայի Հայ դատի յանձնախումբը կոչ է արել Աւստրալիայի կառավարութեանը

ԱԺ ԱՐՏԱՀԵՐԹ ԸՆՏՐՈՒԹԻՒՆՆԵՐԻՆ ԱՐՏԵՐԿՐԻՑ ԿԸ ՔՒԷԱՐԿԻ 729 ՀՀ ՔԱՂԱՔԱՑԻ

ԱԺ ԱՐՏԱՀԵՐԹ ԸՆՏՐՈՒԹԻՒՆՆԵՐԻՆ ԱՐՏԵՐԿՐԻՑ ԿԸ ՔՒԷԱՐԿԻ 729 ՀՀ ՔԱՂԱՔԱՑԻ

ԱԺ առաջիկայ արտահերթ ընտրութիւններին արտերկրից էլեկտրոնային եղանակով կը քւէարկի 729 ՀՀ 

Լուրերի Արխիւ

Նորութիւններ

 
Persian   Armenian

Ֆոտօռեպորտաժ

Տեսաֆիլմ