Ն. Ջ. Հայ Կանանց Գթութեան եւ Ն. Ջ. Հայ Մ. Մ. «Արարատ» միութիւնների համատեղ նախաձեռնութեամբ, ուրբաթ՝ 2019 թւականի սեպտեմբերի 27-ի երեկոյեան, «Արարատ» միութեան շրջափակում, տեղի ունեցաւ ամենամեայ կարգով իրականացւող Արցախին նւիրւած բարեգործական դաշտահանդէսը: 

Միջոցառման խանդավառ եւ ջերմ մթնոլորտն ապահովւեց՝ մանկական ձեռարւեստի եւ խաղերի կրպակներով, մեծահասակների համար նախատեսւած խաղերով ու զբաղմունքներով, ուրախ երաժշտութեամբ եւ ճոխ բիւֆէով:

Ինչպէս նախորդները, Արցախին նւիրւած 4-րդ դաշտահանդէսի կազմակերպման գործում նոյնպէս իրենց սիրայօժար մասնակցութիւնն էին բերել զոյգ միութիւնների անդամ-ուհիները:

Հարկ է նշել, որ ծրագրի հասոյթը յատկացւելու է արցախահայութեանն օժանդակելու աշխատանքներին: 

Թղթակից (Նոր Ջուղա)